Policeman ro ilo Joplin rej kōṃṃane juon jerbal in etale eo ṇae juon ri jerbal ilo an kar kōjerbal kein lale traffic ko im license plate in wa kajojo (surveillance tool) eo ilo bōd im jab jiṃwe
Flock systems ak camera in im ej kōjparok/kejōbwebweik traffic im lali license plate ko an wa ko ekar juon men eo ekar kairuj ro jān opij eo an immigration im privacy advocates (ro rej kōnono kōn abañ ko im) ilo kilen im jekjek in an ICE ro kar kōjerbale system in ilo allōñ ko ṃaantak.
JOPLIN. Mo - Juon policeman eo eṃōj fire e ak joḷọk jān jikin jerbal itok wōt jān an kar kōjerbal Flock systems eo (camera eo ej lale traffic im lali license plate ko an kajojo wa) ilo bōd im jab jiṃwe. Ilo license plate ko an kajojo wa rej kwaḷọk elōñ kain meḷeḷe ko ikijjien iien, jikin, kaḷōr im model eo an wa eo, ko im eṃōj safe i ak kakoṇi ilo juon jikin kakoṇ ak database in (loan juon computer). Database in ej ijo policeman rein rej pukoti wa rōt en rar kooti, armej rōt en rejako (missing people), im etale jorāān ko jet ie. Ejjab ñan etale ak monitor e kajojo armej. Bōtaap ilo juon jerbal in etale eo kar kōṃṃane ilo December 2025 eo, rar lo ruon lein ilo an kar kōjerbal 25% in jerbal in kabbōk armej ko an iloan iiō eo, ilo an kar kajeoñ pukot juon license plate elōñ lok jān jibukwi (100) alen ilo ālkin awa in jerbal ko. Kain jekjek rōt in ej kwaḷọk wāwein an loloor armej ilo aer jab jeḷā kake (digital stalking). Meñe ejjeḷọk kwon ko ikōtaan ICE rein ñan kōjerbal Flock system in, bōtaap policeman rein remaroñ kōjerbale ilo aer jipañ er kōn jerbal in kabbōk armej ilo jejo keej ko. Police department eo an Joplin raar ba bwe likao in eaar rupi kakien kein aer kōn menin eṃōj aer leṃaan ḷọk abṇōṇō in aer ñan Missouri Highway Patrol opij ei bwe ren kōṃṃane juon iien etale eo ejeṇoḷọk ñan pukot ruon likao in.
Image from DeFlock Joplin
Record kein rej kwaḷọk an policeman in pukot juon license plate elōñ ḷọk jān jubkwi alen, im ekkā an menin bōk jikin ilo lukwon boñin ko, wāwein in ekōṃṃan an wōr nota er bwe menin raar kōjerbale ñan jerbal ko aer makmake (personal use) im jab ñan jerbal ko an police. Emakujkuj in kabbōk kein, ekōṃṃan bwe system in en kwaḷọk ia eo armej eo ej jerbal ie, jikin jokwe eo an, ñaat ko ej travel ako ito-itak, im wāwein tallep in makūtkūt in mour eo an. Rein jān Immigration im privacy advocates obij eo raar kakōl ḷọk er bwe wāwein kabbōk etale in ettōr jān joñan an ḷap im erupe kakien kein ilo an ejjeḷọk aer mālim in etale kajojo armej im baaṃle kōn jekjek ak wāwein aer kar delọñ tok ijokein (immigration status). Im kōnke Flock data kein remaroñ kwaḷọk meḷeḷe ko kōn juon armej, emakujkuj in kabbōk in ej kemlet bwe ej etale ko ejjeḷọk bedbed i er. Wāwein in eaar kōṃṃan bwe opij in en fire e ak joḷọk lein jān jerbal im leṃaan ḷọk bwe ren etale keej in an make.