Ilo an laplok jerbal in etale im lale ko an policeman ro ilo springdale ekoman menin an laplok an ro jen likin (immigrant) ro kalbuuj

Enañin aolepen ri-likin rein rej kabuuj er ej itok wot jen aer jab lori kakien ko iloan ial ko ilo aer ettor, ekkar nan repoot in an State police eo ilo Arkansas.

Ilo an laplok im lonlok policeman ro kio ilo Springdale Arkansas ekomman bwe ro ilo jukjukin bed eo ren bwe ilo aer kauwotata im ekkil ñe renaj korool er ñan lal ko aer ako ijoko jikier. 

Ro uaan doulul ko ilo jukjukin bed eo rar kwalok aer kajitok kin wawein in ilo an laplok jerbal ko an policeman ro im loñ lok wot ro uwaer ro rej waje juon ian jikin kein ijin ilo week eo kio ilo kabbe ko jen (ASP) ak Arkansas State Police eo ekkar nan enaan ko an Chief Wright. Jerbal kein rar bebe kake jenjemlokin yio eo lok. 

(ASP) Arkansas State Police eo ear jino jerbal ko aer ilo Springdale ilo Juje (Tuesday) Feb. 10 ran eo. Springdale police Chief Derek Wright ear ba ilo Wonje (Wednesday) eo ilo juon an email lok nan ritel rein an community eo im kar lelok jen Arkansas GRITA eo bwe (SPD) ak department eo an police Ilo Springdale kio ej komane juon jerbal elap nan “plan in patrol” e jikin in. 

Kenono ko reloñ ko an armij ro ijin ilo Facebook ICE watch group ko rar kwalok an loñlok state trooper im waan policeman ko ejjelok kokale ie,  ko im rej patrol e highway kein ilo Springdale, ej juon jikin ilo Arkansas eo eloñ kajojo ri-lal ko rej jokwe ie.

Department eo an police (SPD) eo rej er eo im rej komane jerbal in patrol kein ko im “ejjab ñan komane jerbal in etale rilikin im lale ta status ko aer ilo iien am kabojrak er ak kenono ippaer”, Wright ear ba. Ear bareinwot ba bwe iien patrol kein an policeman rein ej ñan “kabbok ri nana ro im rej koot/wiakake armij im wiakake drug ak uno ko rekajoor; complaint ak abnono ko kin ro enana aer ettor im rej kaium (speeding) lowan ial ko, im kabbok group in armij ro rej komman jorren”. 

Ako elon wot iaan policeman ro an State in emoj kamroñ aer koman jerbal ko aer iumin 287(g) partnership eo ibben ra eo an Homeland Security. ASP ako Arkansas State Police eo ej jerbal im bok kunan iumwin jerbal ko emoj karoki jen Task Force eo, eo ej kemelim an ro emoj aer bok training ak katak ko kin jerbal in kejbarok aenoman, bwe ren bareinwot komoni jerbal ko an ICE einwot kabojrak traffic im komane jerbal in patrol ko ak itoitak im lale melan ko, iumwin tel im lajraak ko an ICE. Arkansas GRITA ej lo bwe policeman rein rej kojerbal wawein kein ñan kalbuuj kajojo armij, meñe ej jab walok ke ewor aer criminal record. 

Readi; Ta in 287(g) im ewi wawein an jerbal ilo Arkansas?

Ilo kar alloñ eo lok, director eo an ASP Col. Mike Hagar ear jiroñlok ri kwelok ro an kien eo iolap bwe eor 48 armij ro jen likin rej bed kio ilo jikin kalbuuj jen kar September eo, ro emoj lo ruweer ilo aer bok kunaer ilo tain ej kemlele kake ilo 287 (g) eo. Ke Sen. Terry Wright ear kajitok lok elañe “rej bar diwojlok im kabbok armij ro emoj lo ruweer kin men ko renana rar komani” Hagar ear uaak bwe eor ro uwaan trooper ro “rej jerbale menin ilo jimwe im jejjet in kolmenlokjen iumwin kakien e.”

Ro jen Washington County rar bok kunaer ilo program in an 287 (g) jen 2007 tok nan 2020 eo elkin juon abnono elap jen ro uaan community eo ak jukjukin bed eo- einwot Consul General Eldon Alik im kar ri-jibadok eo nan city obij ilo tore kani Irvin Camacho, ro im rar kwalok aer jab erra ilo program in. Ilo kakien kein rekaal, WCSO emoj an signi juon kwon eo ekaal ikijien 287(g) in.

ASP ak Arkansas State Police kar lelok juon ripoot ñan ro uwaan Arkansas GRITA einwot kar kajitok lok kake iumwin wot Freedom of information act eo, ej kwalok im kemlet bwe jen rein 39 rar kalbuuj er jen September 15, 2025 eo 30 (ak 74%) rej walok jen kabbojrak ko iloan ial ko. (Ripoot in ej kwalok bwe jet ian case kein remaron ak remaron kar jab ekkar bwe ren kalbuuj er). Jet bar kakobaba ikijien ripoot in jen FOIA, ej kwalok ke juon iaan policeman rein, ilo text eo an lok nan ICE opija ro ear kwalok lok kin ta status eo an armij eo ear kabojrake kin juon bod jidikdik ke  “ear ettor wot ilo left lane eo.” Kain kabojraak rot kein ikijien traffic remaron kommon bwe ro rej bed ilo wa ko mene rejjab ettor remaroñ oktak im bok er mekarta ejjelok aer warrant im ejjelok aer maron nan komakut er

Juon ian report kein ej kwalok an juon iaan Trooper rein an ASP kar kabojraak juon eman in Guatemala kin ke “signal eo an mene ekar jerbal ako kin ke ej kabolbol kin meram mouj im jab buroro.” Lein ekkar ba lok nan trooper in ke ej jebadroklok kora eo ibben ilo Denton Texas, mekarta trooper in ekkar text e lok ICE ro bwe likao in ej jen Guatemala im ear wonmanlok wot im bok e im kalbuuji.

Ilo Nobemba (November) 2025, “light blue eo ej ebbol imaan” juon wa truck ko ej kwalok bwe eloñlok jen juon ri-kalbuuj iloan wa eo. 

Jet rar bok er elkin an jorren wa ko waaer ilo torerein ial ko, ak ilo aer etetal itorerein highway ko.

Arkansas GRITA obij eo ear kwalok im repoot kin jekjek kein ilo website eo aer. 

Ejjelok juon ian Arkansas State Police ro im Springdale Police Department eo rar uaak ke rar kajitokin er kin ta kein rej bok jikier. 

Arkansa Alliance for Immigration Respect ako (AIRE) obij eo kar likut ilo social media elikin raelepen Wenje eo ekkar likut an naan in kakol bwe armij ren lukkun  kejbarok aer ettor ak driwoj drelon ilo Springdale Arkansas en.