Business ko ilo Arkansas raar juṃae jerbal ko an ICE

Elōñ wōt iaan business kein rej jān NWA. Ko im rar bōk kuṇaer ilo juon tōre eo kien eaar kilōk (national shutdown) ilo January 30 raan eo. Raar kwaḷọk aer eṇoik jerbal kein an U.S. Immigration and Customs Enforcement (ICE) rein ilo peeḷakin ijokein. 

Owners ro an Bentonville’s Butterscotch Bakery eo raar donate im leḷọk aolep tōprak in “anti ICE” cupcake ko ñan armej ro raar bōk er im kalbuuj er ilo Minnesota. Ilo juon aer enaan ilo Facebook:

“Ej jino an ḷapḷọk an pen im abañ ḷọk men otemjej ilo ad kōwaane (ignored) wāwein im jekjekin mour ippān ro rej pād epaake kōj (neighbors) im lalin ad ilo ad pād im āinwōt ñe ejjeḷọk men eo ej bōk jikin.” Raar ba ilo enaan ko aer ilo Facebook bwe “Ñe kojjab ṃōṇōṇō kōn meḷeḷe kein, innām bulen naan/meḷeḷe kein reṃool im rej jerbal…Eṃōj katakin kōj bwe jen iakwe ro ṃōttad rej jokwe epaake kōj, im jab kalbuuj er.”

“Doulul eo an Arkansas immigration im refugee advocacy eo kar bar elelolo donations ak menin leḷọk ko jān elōñ business ko rej bōk kuṇaer ilo men in.”  Jikin coffee eo etan Arsaga’s coffee ilo Fayetteville ej kwaḷọk aer naan bwe aolep tōprak in wia kake ko aer naaj donate ak leḷọk ñan Canopy NWA, juon project eo eaar ejaak ñan juṃae jerbal ko an Kien eo iọlap ko rettōr jān joñan aer ḷap ko rejelet immigrant ro im opij eo an Arkansas Immigrant Resource Center eo. Rej barāinwōt ba bwe rej jutak likin ri jerbal rein aer ro rej bōk kuṇaer ilo strike in.

Library Vintage eo, juon ṃōn wia im rent vintage (ṃweiuk in etto ko) ilo Fayetteville, rej ba bwe jabdewōt ṃuri ko jān 2025 naaj meḷọkḷọki ñe customer ro aer renaaj kwaḷọk juon receipt ak pepa in kaṃool eo ke raar donate ak leḷọk ñan Alliance for Immigrant Respect and Education (AIRE) eo tarrin  joñan ṃuri ko aer ippāer. 

AIRE co-founder eo Irvin Camacho eaar kōmeḷeḷeik bwe jipañ kein rej kwaḷọk im kalikkar ewi joñan an ḷap iakwe eo ippān armej.